Te possa vegnir tante maroelle
Al culo e tante buganze in la pota,
Che ti te tegni d'ogn'hora peota
Tra quelle creste e tra quelle bardelle.
Te (se) possa ingrossar tanto la pelle
Che ti no trovi nessun che ti fotta,
E si qualch'uno i te toia ogni bota
Per paga, sino i secchi e le scudelle.
Daspuò che tu reffuderìa Marzei,
Un cesto con le oselle e la salata,
Calamita da barche e da batei,
No reffudar pi soldi, no far mata,
Perché in pè de veludo e brocadei,
S'ti 'l fa, ti chiami e 'l ponte e la pignata.