Pota, mo da che vien che quando son
In letto col mio ben e che l'ho in brazzo
Per bagolar mai se mi drizza il cazzo
Tanto che possa fàr(ghene) un bocon,
E 'l sògio pur haver duro co è un zon,
E 'l me ha pur dà a i mie dì qualche solazzo.
Adesso l'ha catà, mondo beccazzo,
De star sempre col cao a picolon.
Amor, tiome 'l magnar, tiome 'l dromir,
Fa che deventa sguerzo, sordo e muto,
Pur che del cazzo me possa servir.
Ma se in st'occasion ho perso il tutto,
Posso senz'altro andarme a sepelir,
Che co' ho perso 'l chiavar ho perso 'l tutto.