Sta notte me pareva haverve in brazzo,
Basarve el fronte, i occhi e la bocchetta,
Tegnirve a brazacollo stretta stretta,
Deventar tutto zùcaro e melazzo.
E cusì co 'l pi dolce e bel solazzo
Se suzzàvemo insieme la lenguetta,
E mi diseva: Cara speranzetta,
Strùcola sta tetina. Fa', che fazzo.
Vardé mo, fia, se i spassi che ho gustai
Da beffe sì xe dolci, che sarave
Se fassémo da senno sempre mai?
E credo, certo, che altro no farave
Che suzzar quei lavreti inzucherai,
E a tutte le altre done incagherave.