Madonna, alla natura che vu havé
No vossé nianche haver altro marìo,
Che l'è un certo homo che no ve vien drio,
E sì ve lassa far quel che volé.
No me disé mo più che no podé,
Che me faressi ben cazzar in rio.
Sarave ben spazzao del fatto mio
Se vu saré più dura che no sè.
Vu zassé ben in t'una carestìa,
Che cazessé pi carne vu in t'un dì
Che in t'un mese no fa la becarìa.
Donca, madonna, andé pur drio cusì,
Perché l'usar con tutti carestia
Xe una virtù che no se puol dir pi.