Quando che te diseva: Cara fia,
No me piase ste man cusì sfogiose,
Ti te instizzavi e ti alzavi la ose
Digàndome, che è pezo, vilania.
Adesso mo ch'el mal è vegnù via
Che ti no te puol far nianche la crose,
Tanto ti ha le zonture dolorose,
L'avogador no è pi in Quarantia.
Grame meschine, che ve insuperbì
Per quatro strasse tanto malamente,
Che Dio né santi no cognossé pi,
E pò che è, che no è, tutte dolente
Ve tiré tutte piaghe, notte e dì,
A domandar limosina alla zente.