Quanto tempo s'aspetta un'allegrezza,
Che a pena l'è vegnù, che l'è partì,
Che me ha privà, meschin, de una richezza
Che me feva star ben tutti i mie dì.
Volse custìa, dopo tanta fierezza,
Haver al fin compassion de mi.
Ahimè! che in la infinita mia dolcezza
Me manché quel che me importava pi.
Che co ghe fu vesin persi l'ardir,
Persi appresso el mio ben ogni possanza,
Quasi ferìo, che staga per morir.
Che hoi da far del viver che me avanza,
Se è vegnù quel che no dovea vegnir,
Per tagiarme a traverso ogni speranza?