Hev du høyrt ei Hardingfela laata?
Hev du høyrt, kor ho kann læja, graata?
Hev du høyrt i kaatast Springelaaten
desse Underdrag av tunge Graaten?
Hev du seet paa Golvet Lyden dansa,
so dei snaudt nog meir seg sjølv kann sansa?
Hev du seet kor Gjenteflokken undrad,
daa dei høgste Kast i Biten dundrad?
Ja, du kann tru, at Spelemannen traatt
kann hava myket røynt i Danselag,
naar tidt han spelte ut den heile Nott
og endaa turad med til langt paa Dag.
Ein gamal Spelar sat vel mangei Nott
og skapte Liv og Lyst i Ungdomslag.
Med djerve Halling, kaate Springeslaatt
or Bringa jagde baade Sut og Gnag.
Aa, der er Kvild i desse Gamles Spel,
og det fell mjukt og fint som Kvendehand,
og upp det lyfter baade vænt og vel,
men med ein Snev av Sorg so liten Grand.
Ja det er Malmen i eit Feletak,
at det kann blanda ymse Kjenslor hop,
at det kann kvekkja deg med Bringeskak
og so med sama ropa Glederop.
Naar ein er ung og kann sitt Bogadrag,
so er det altid meir av Storm og Draum,
med større Brjoting millom Nott og Dag
og meire Driving paa hans Tonastraum.