Hymne.
EEn ongheschapen wesen kendt:
Verheft den Vader, en sijn Woordt:
Met Godt den Gheest, die neder sendt
Sijn liefde, die ons hert door-boordt.
O Heer, van hooghe Majesteyt!
Voeght onse swackheyt totter deught,
V jock hebt ghy ons op-gheleyt;
Daer toe maeckt wacker onse jeught.
Ontlast ons van der sonden pack,
Waer voor wy duchten seer belaen:
Doet ons versterven 'svleeschs ghemack,
Dat uwen Gheest ons mach versaen. Amen.
Antiphone.
Ghebenedijdinghe, liefde, wijsheydt, ende danckbaerheydt zy Godt almachtich in der eeuwicheydt.