Hymne.
DEn vyant wilt verdrijven
Wt al dat Christen landt:
V vreed' hem laet beklijven,
Wien ghy doet onderstant.
Leydt ons uyt 'swerelts brandt,
Dat wy verlost van quaelen,
En vast aen uwe handt,
V volghen sonder dwaelen.
Verthoont ons Godt den Vader,
Verheven in sijn throon:
Verwerckt ons allegader,
Ten dienste vanden Soon:
En gheeft ons u persoon,
Te kennen, van hen beyden
Ghekomen, even schoon,
Van alle eeuwicheyden.
Lof zy Godt t'aller stonden,
Die merckt der nieren grondt,
Eer zy, die ons ghesonden,
Verlossingh' heeft vergondt:
Den Gheest zy oock vermondt
Danck, met ghewilligh treuren;
Dat ons door sijn verbondt,
Eens glory' mach ghebeuren. Amen.
Antiphone.
Sy zijn al vervult gheworden met den heylighen Gheest, ende hebben begonst te spreken met menigherley tonghen.