Hymne.
DOen satan was verheven,
Schoon als den dagheraet;
Syn boosheydt deed' hem sneven,
En kreech tot ons een haet:
Waer door hy heel ontsteecken,
Quelt met bedroch ons ziel,
Om ons te doen ontbreecken
'T gheluck daer hy uyt viel.
Heer, wijst ons al-te-samen
Sijn nijdt en fellen aert,
En maeckt dat wy ons schamen
Der snootheydt die hy baert:
Helpt ons oock veerdich soecken
Der Enghelen by-stand,
Op dat sy ons verkloecken,
En bien in noodt de handt.
Godt zy lof t'aller stonden
Met sijnen Soon en Gheest,
Die ons verlost van sonden,
En stiert tot 'shemelsch feest:
Als d'appel sijnder ooghen
Ons hoedt voor alle quaet,
Door 't heyr groot van vermoghen
Dat ons noyt en verlaet. Amen.
Vers.
Gebenedijt den Heere alle sijn heyr-crachten.
Antvv.
Sijn dienaers, die sijnen wille doen.
Antiphone.
Laet ons den Heere loven.