Hymne.
GOdt, die Dryvuldich zijt, en Een:
V goedtheydt is van al 't beghin,
Dat voor u wesen oyt verscheen;
Maer hoe? en vat gheen menschen sin.
Ghy zijt schoon, heylich, mildt, en sterck,
In u verheught dat hemels hof:
V gheeft het dryderhande werck
Der werelt oock ghedurich lof.
Aensiet, o goedertieren Heer,
Den noot van ons bedorven hert:
Tot deughden helpt ons menschen teer,
Gheneest wat onse zielen smert. Amen.
Antiphone.
Zijt met ons heylighe Dryvuldicheyt ende eenighe Godtheydt; ghy zijt voor alle dinghen, ende sonder eynde, inder eeuwicheydt.
Vers.
Ghebenedijt zydy Heere, in dat firmament des hemels.
Antvv.
Loffelijck, ende eerweerdich, ende hooch-verheven inder eeuwicheydt.