Hymne.
FOnteyn van 't eeuwigh leven,
Der vreughden schoonste vloet:
Wilt ons den reghen gheven,
Die uwe gaven voet:
En zijt tot ons niet vroet;
Op dat wy als olijven,
Van vruchten vol en soet,
In 't hof des Heeren blijven.
Regeert ons t'aller uren,
Hecht ons ghepeyns aen Godt,
Treckt dat van creaturen,
End' al wat hier verrot:
Wy zijn quaet ende bot,
Doet ons na 't Cruyce voeghen,
Beherten Godts ghebodt,
En gansch in hen ghenoeghen.
Den Vader hooch van throone,
Zy glory', prijs, en lof:
Als oock sijn eyghen Soone,
'T cieraet van 'shemels hof:
Wy zijn van aerde grof,
Maer Godt den Gheest van minnen,
Verdrijft al 'swerelts stof,
En stiert tot danck ons sinnen. Amen.
Vers.
Vwen goeden Gheest sal my leyden in den rechten wech.
Antvv.
Om uwen naem, suldy my in rechtveerdigheydt levende maecken.
Antiphone.
Hy en sal.