Ghebedt, om met heyligheydt van herten, vreedtsamicheydt tot onsen naesten, ende volherdigheyt in deughden, het heylich Sacrament te ontfanghen.
VErleent ons, o goedertieren Heere, dat ghelijck den heylighen Ioseph, uwen eenighen Soon, van Maria gheboren, in sijn jonckheydt met groote eerweerdigheydt ende vreughde, op sijn ermen ende in sijnen schoot ghedragen heeft: wy oock den selven in het heylich Sacrament des Autaers, soo dickmaels als't ons gheleghen is, met innighe devotie, suyvere herten, ende vrede met alle menschen moghen ontfanghen, ende sijn Godlijcke gaven door stadighe oeffeninghe aller deughden in ons vermeerderen. Door den selven Christum onsen Heere uwen Soon, die met u leeft ende regneert in de eenicheyt van den heylighen Gheest, Godt, in alle eeuwen der eeuwen. Amen.
Vers.
Laet ons den Heere ghebenedijden.
Antvv.
Gode zy lof.
Vers.
De zielen der gheloovighen moeten doorGodts bermherticheydt in vrede rusten.
Antvv.
Amen.