Hymne.
O Princen hooch gheboren
Van Godts woordt in't begin:
Sijn dienst hebt ghy verkoren,
Sijn rijck is u ghewin:
Tot hem, end' onsen naesten
Met liefden ons voor-siet,
Behert ons tot den laesten
Die swack zijn als het riet.
Ghy zijt subtijl van wesen,
In't wercken snel als vyer,
Wilt in ons hert' ghenesen
'T belet van u bestier:
Al wat wy doen in't leven,
Wort Godt van u verthoont,
Doet ons sijn wil aencleven,
In't oordeel ons verschoont.
Glory' zy Godt den Vader
Die ons door sijnen Soon
Verlost heeft alle-gader,
Begaeft met deughden schoon:
Lof zy den Gheest van beyden
Die mildelijck ons gheeft
Sijn Princen, die gheleyden
Elck mensch, soo langh' hy leeft. Amen.
Vers.
Den Enghel heeft ghestaen by den Autaer des tempels.
Antvv.
Hebbende in sijn handt een gulden wieroock-vat.
Antiphone.
Sy zijn alle-gader.