Hymne.
VVY nemen aen den strijdt, cloeck in't ghemoet,
Teghen de helsche laghen:
De werelt, en 't welck ons groot hinder doet,
'T vleesch, dat wy voen en draghen:
Wy thoonen ons gantsch onvervaert:
Ronts-om met Iesus Cruys bewaert:
Waer voor al Sathans schichten
Verwonnen moeten swichten.
V machtich Godt, zy dienst, met alle vreught,
Dry-vuldich in een wesen:
Die 't al voorsiet, en vult, en om u deught,
Wort eeuwichlijck ghepresen:
Ghy hebt door Christus ons verlost,
'T heeft hem aen 't Cruys sijn bloedt ghecost,
O weerdigh Lam vol trouwen,
Helpt ons uyt alle rouwen. Amen.
Antiphone.
Dit is den alder-weerdighsten boom, in't midden van't Paradijs gheplant: aen den welcken den Autheur onse salicheyt, met sijn doot de doot van alle menschen verwonnen heeft.