Ghebedt, om danckbaerheydt ende suyvere meyninghe te verkrijghen.
O Godt van alder hoochste Majesteyt, die Mariam sulck-een milde jonste bewesen hebt, datsy door uwe boven-naturelijcke gaven, de weerdicheydt aller Enghelen ende Heylighen; ende door de kennisse der selver giften, en[de] danckbaerheyt, die sy u, voor die bewees, de kennisse ende danckbaerheydt van alle uwe uyt-verkoren te boven ghegaen heeft; soo dat sy in alle dinghen uwe alder-meeste eere sochte, ende voor de alderminste gave, die sy van u oyt ontfanghen hadde, met vyerigher herten alle de wijlen van haer leven u loefde ende diende: wy bidden u ootmoedelijck door u onghemeten behaghen in hare dueghden, dat ghy ons, alle onse onwetentheden, ende ondanckbaerheden ghenadelijck wilt vergeven, al wat ons ter salicheydt ontbreeckt, vervullen, ende claerder kennisse aller dinghen, die ghy ons ghedaen hebt, ende noch doet wilt verleenen: op dat wy oock u gaven naer hare weerde moghen achten, voor die u behoorlijck loven, ende met suyvere meyninghe in alles uwe meeste glorie soecken ende beneerstighen. Die leeft ende regneert in alle eeuwen der eeuwen. Amen.
Vers.
Laet ons den Heere ghebenedijden.
Antvv.
Gode zy lof.
Vers.
De zielen der gheloovighen moeten door Godts bermherticheydt in vrede rusten.
Antvv.
Amen.