Hymne.
O Vader ongheboren Godt!
O eeuwich Godts gheboren Soon!
O Gheest, van bey der minnen slodt!
Baent ons den wech tot uwen throon.
Door-schijnt ons ziel, o hemelsch licht,
Tot strijdt versterckt ons swack ghemoet:
Vernielt in ons al wat onsticht;
Naer u bevel ons leven doet.
Lof zy u, Godt, die 't al vervult,
En al regeert naer uwen wil:
Die ons belooft, en gheven sult,
Elck sijnen loon, na diensts verschil. Amen.
Antiphone.
Wy aenroepen u, wy loven u, wy aenbidden u, o onse hope, onse eere, onse salicheyt; verlost ons, maeckt ons levende, o heylige Dryvuldicheydt.