Hymne.
PRincesse van dit aertsche dal,
Met recht wort ghy van Godt verheven:
Wat goet is, vint men in u al,
Godts selfs is u voor ons ghegheven.
Als een Meestersse van't beleydt
Der graty', deughden en manieren:
Verciert ons met ootmoedigheydt,
Naer u exempel wilt ons stieren:
Maeckt ons sachtmoedigh en vreedtsaem,
Innich van herten ende sinnen:
Voorsichtich, en van goede faem,
Dat wy tot deught ons naesten winnen.
V, Godt, zy lof in 'shemelsch pleyn,
V heylich Woort prijs op der aerden:
En die sijn gaven sent ghemeyn,
Godt hunnen Gheest van eender waerden. Amen.
Vers.
Ghelijck die daghen vanden voor-somer.
Antvv.
Hebben haer om-vanghen, die bloemen der roosen, ende lelien vande dalen.
Antiphone.
O salighe Moeder.