Hymne.
VVIlt u weeren in't verneeren,
Voor soo weerdigh Sacrament:
En veracht te nieuwe leeren,
Die onteeren Godts present,
Laet 't gheloof in u vermeeren,
Dat een aerdtsch verstandt ontkent.
Offerande, die daer brande
Aen 't Cruys, en Godts hof ontsluyt:
Broodt dat Madian tot schande
Bracht, en jaecht den duyvel uyt:
Manna van smaeck veelderhande,
Tot vermaeck van Christus bruyt.
Mijn lust sterven, sinnen derven,
Wil ick, Iesu, om u rijck:
In u is wat ick kan erven,
Buyten u is't al maer slijck:
Doet mijn ziel u gheest verwerven,
Spijst, en maeckt ons uws-ghelijck. Amen.
Vers.
De ooghen van allen hopen in u.
Antvv.
Ende ghy gheeft hen spijse ten bequamen tijde.
Antiphone.
O Heere.