Hymne.
O Alder-sachtmoedighste Maeght,
V herte keert, en ooren
Tot hem, die sijn misdaet u klaeght,
Och, laet hem niet verlooren.
Ghy zijt van alle mensch begheert.
Want ghy zijt mildt in't geven:
Behoedt ons voor al dat ons deert,
En voecht tot Godt ons leven.
Na 't sterven ons deelachtigh maeckt
Der glorien daer boven,
Waer d'uyt-verkoren claer en naeckt,
Godts wesen sien en loven.
V Vader, danck, van hemel-rijck,
Wy met den Soon vermonden:
En die, van beyden, is ghelijck,
Voor Trooster ons ghesonden. Amen.
Antiphone.
Maria treckt ons naer u, ende wy sullen loopen in den geur uwer salven.