Hymne.
VErnielt al mijn ghebreken,
Met den bedorven tronck:
Dat ick met u mach spreken,
O Godt, vernieuwt als jonck
Bluscht oock den gantschedn vonck,
Van uwe tornicheyden:
En laet der minnen dronck
Ons gheest in u verbreyden.
Maeckt ons kloeck en sorch-vuldigh,
Om u te dienen snel:
Doet dat wy zijn verduldigh,
In lijden en ghequel;
Ghehoorsaem u bevel,
Milt, ende goedertieren,
Vroom, teghen 't vleesch rebel,
En suyver van manieren.
Met vreught wy prijs verhalen
Den Vader in sijn macht,
Den Soon, die quam betalen,
De schult van ons gheslacht:
En zijn oock wel bedacht,
V Gheest, met eer en sanghen,
Te loven, als die bracht,
Tot vryheydt ons ghevanghen. Amen.
Antiphone.
Ick sal den Vader bidden, ende hy sal u eene anderen trooster geven, die met u inder eeuwicheyt blijven sal.