Hymne.
IEsu, die door u Cruys betaeldet ons rantsoen,
En voor ons al den vrydom hebt verworven:
Wilt doch ghenadich zijn, en tot haer hulpe spoen,
Die in't gheloof met hope zijn ghestorven. Amen.
Antiphone.
De misdaet van mijnder jonckheydt ende van mijnder onwetentheydt en wilt niet ghedencken.
Vers.
Van de poorten der hellen.
Antvv.
Heere verlost hare zielen.
Vers.
In vrede moeten sy rusten.
Antvv.
Amen.
Vers.
Heere verhoort mijn ghebedt.
Antvv.
Ende mijn gheroep kome tot u.