Ghebedt, om de gave der vromicheydt te verkrijghen.
O Godt, die alle dinghen gheschapen hebt, onderhoudt ende regeert, gheeft ons door uwen heylighen Gheest, teghen de onghestadicheyt van onsen wille, de gave van gheestelijcke vromicheydt, op dat wy allen teghenspoet, die ons door uwe vaderlijcke beschickinghe over-comt, blijdelijck moghen verdraghen, alle bekoringhen onser vyanden verwinnen, ende in't beneerstighen van uwen heylighen dienst, ende onsen salighen roep volherden. Door onsen Heer Iesum Christum uwen Sone, die met u leeft ende regneert in de eenicheyt van den selven heylighen Gheest, Godt, in alle eeuwen der eeuwen. Amen.
Vers.
Laet ons den Heere ghebenedijden.
Antvv.
Gode zy lof.
Vers.
De zielen der gheloovighen moeten door Godts bermherticheyt in vrede rusten.
Antvv.
Amen.