Ghebedt om te verkrijghen een devoot herte tot Iesus naem, ende een yverighe begheerte tot alle vvercken van penitentie.
GHeweerdight u, o Heere Godt, door den heylighen Naem van uwen lieven Soon Iesvs ons te verhooren, ende met devotie tot dien Naem onse herten soo te bedauwen, dat wy tot sijnder eeren, alle hinderlijcke lusten van ons bedorven vleesch ende sinnen, door sware wercken van penitentie moghen versterven, ende door vrome strijden ende victorien teghen ons-selven, het salich aenschouwen sijnder glorie verdienen. Door den selven Iesum Christum onsen Heere. Amen.
Vers.
Laet ons den Heere ghebenedijden.
Antvv.
Gode zy lof.
Vers.
De zielen der gheloovighen moeten door Godts bermherticheyt in vrede rusten.
Antvv.
Amen.