Hymne.
O Leeraer aller consten,
Die goedt en saligh zijn:
Begaeft ons met u jonsten,
In wijsheydt maeckt ons fijn:
Op dat wy sonder pijn,
V Goddelijcke raden,
Verlicht door uwen schijn,
Vol-brenghen onbeladen.
Doet al, die zijn daer boven,
Ons kennen, en wy haer:
Maeckt dat wy noyt verschoven
Zijn van dat hemelsch schaer:
Door penitentij' swaer,
Laet ons in tranen saeyen,
Op dat wy soo daer naer
V blijschap moghen maeyen.
Ons krachten moeten prijsen
Den Vader, Soon, en Gheest:
Op dat sy ons aen-wijsen,
Den wech tot hunder feest.
En soo van minst en meest,
Een Godt in dry persoonen,
Bemindt zy, en ghevreest,
Die 't goet en 't quaet sal loonen. Amen.
Antiphone.
Ick sal eenen nieuwen gheest in haer binnenste gheven.