Ghebedt, om saechtmoedigheydt te verkrijghen.
GOedertieren Heere, ende bermhertigen Godt, wy bidden u met vyerigher herten, in de eenicheydt der verdiensten van alle uwe Heylighen, om de deught van saechtmoedicheydt; op dat wy alle de ghene, die ons verachten, lasteren, ende vervolghen, naer Christus exempel, met liefde moghen beeyghenen, voor hunne salicheydt bidden, ende hen alle goet, ons moghelijck, bewijsen; ende soo van u verdienen, hier de aerde onser leven ende sinnen, met vrede te besitten, ende hier namaels, de aerden der levende met alle uwe Heylighen, tebewoonen. Door den selven onsen Heere Iesum Christum uwen Soon, die met u leeft ende regneert in de eenicheyt des heylighen Gheests, Godt, in alle eeuwen der eeuwen. Amen.
Vers.
Laet ons den Heere ghebenedijden.
Antvv.
Gode zy lof.
Vers.
De zielen der gheloovighen moeten door Godts bermherticheyt in vrede rusten.
Antvv.
Amen.