Hymne.
BErooft is hy van raet en sin,
Die hier Godts wijsheydt niet en acht:
Want Godt en laet gheen dwasen in,
Al hoort hy cloppen in den nacht.
Sijn wijsheydt d'eyghen gunst versmaet,
En acht als slijck der sinnen lust:
Als peste sy de sonden haet,
En brenght door 't cruys het vleesch tot rust.
Maeckt, ongheschapen heylicheydt,
Ons voor u ooghen onbevleckt:
Tot u ons door ootmoedicheydt,
En door den bandt der liefden treckt. Amen.
Antiphone.
Beter is de wijsheydt, dan alle de alder-costelijckste rijckdommen; ende alle dat begheerlijck is, en mach by haer niet gheleken worden.