Lof-sanck.
V Godt loven wy.
V Iesum ghebenedijden wy.
V Coninck der Coninghen, ende Heere der Heeren aenbidden wy.
V Salich-maker der werelt eeren wy.
Die ons met u dierbaer bloedt ghesuyvert hebt.
Die met uwe heylige wonden, onser zielen kranckheden ghenesen hebt.
Die met uwe pijnelijcke doodt, ons het eeuwigh leven verdient hebt.
O Heere Iesu Christe, onsen Godt, ghy zijt alle glorie weerdich.
Al dat leven heeft, prijst uwen heylighen Naem.
Ende looft u, eert u, ende ghebenedijt u inder eeuwicheydt.