Den lof-sanck van Zacharias. GHebenedijt zy den Heere Godt van Israel: want hy heeft besocht, ende ghedaen de verlossinghe sijns volcks. Ende hy heeft ons op-gherecht eenen horen der salicheyt, in Davids sijns dienaers huys. Ghelijck hy ghesproken heeft door den mont sijnder heyligher Propheten, die van 'tbegin der werelt zijn. Verlossinghe van onse vyanden; ende uyter handt van alle de ghene die ons haten. Om bermherticheydt te doen met onse Vaderen, ende te ghedencken sijns heylichs testaments. Den eedt dien hy ghesworen heeft tot Abraham onsen vader, dat hy ons geven soude. Sonder vreese, verlost uyt de handen onser vyanden, hem te dienen. In heylicheyt ende rechtveerdicheyt voor hem, alle onse dagen. Ende ghy kindt sult een Propheet des Alderhoochsten ghenoemt worden, want ghy sult voor des Heeren aensicht gaen, om te bereyden sijne weghen. Om kennisse der salicheyt te geven sijnen volcke, tot vergevenisse van hunne sonden. Door de grondighe bermherticheyt onses Godts, door de welcke hy ons besocht heeft, den opganck uyt den hooghe. Om te verlichten den ghenen, die in duysternissen ende in de schaduwe des doots sitten, om te beschicken onse voeten in den wech des vreedts.
Heere gheeft haer d'eeuwighe ruste: ende dat eeuwighe licht verlichte haer-lieden. Antiphone. Ick ben de verrijssenisse ende dat leven, alle die leeft ende in my ghelooft, al waer hy oock doodt, sal leven: ende al, die leeft ende ghelooft in my, die en sal inder eeuwicheydt niet sterven. Vers. Van de poorten der hellen. Antvv. Heere verlost hare zielen. Vers. In vrede moeten sy rusten. Antvv. Amen. Vers. Heere verhoort mijn ghebedt. Antvv. Ende mijn gheroep kome tot u.
Cookies on Poetry Cove