Dagen er lang-ljos og Fuglespil
Ljodar i Li og Lundar,
Treet sprett um eit lite Bil,
Det unnaa i Molle blundar.
Grøde-Eim yver Jordi sviv
Dei sæle vaar-milde Kvellar.
Det spirar kring deg, det yr med Liv,
Det tognar i Sinar og Sellar.
Aa som eg lengtar i Verdê ut
Paa Livsstraumens leikande Fljote!
For Solê stengjer den haage Nut –
Eg vil freiste og fram meg brjote.
Huset er trongt, Laget er tungt,
Det kan inki Hugen hive,
Blodet strøymer so friskt og ungt,
Eg er sterk, eg vil yrke og live.
Sole leikar so vent aa sjaa,
Dagen kveikjer og huggar.
Med Mod i Barmen eg stemner paa –
Burt gamle Minne og Skuggar!