Aa inki Far og inki Mor
Du heve paa den vide Jord,
Som syte kan fyr deg –
Det gjer 'ki Harm,
Naar Gutens Arm
Deg lognt inn til seg dreg.
Maatt eg deg vera Far og Mor!
Det var meg Gleda størst paa Jord –
Kvor Kjensla i mit Brjost
Den vil deg væl,
Du gjer meg sæl,
Og heile Livet ljost!
Dit Billæt ber eg i min Hug,
Aa eiga det gjev dubbelt Dug,
Og dubbel Arbeidsmagt.
Din Elskhug varm
Hev i min Arm
Det beste Staalet lagt.
Gud signe deg, mi vene Dros!
Du er min Hugnad og mit Ljos,
Mi Lilje rein og skjær.
Hav Takk daa Gud
For slik ei Brud,
Og gjer meg henne verd!