Aa her hev no mine Fedrar
Rudt seg ein liten Gard;
Her hev dei slite og slæpa,
Eg ser deira Fotefar.
Aa her hev dei sete glade
Med Vener i Lag og Leik,
Takka Vaarherre for Dagen
Og tekje seg Kvild og Kveik.
Dei retta paa mangt, det gav meg Magt
Aa retta paa noko meir;
Dei mangein Stein o Vollen braut,
Tru eg maatte orke fleir!
Gud unne meg her aa byggja og bu
So lengje eg liva maa:
Gud unne meg Borni mi etter meg
Maatte fritt denne Garden raa!
Her er so vent og hugnadlegt
Aa sitja i Heimen fri
Med Kona og Born so prydeleg
Innunder den logne Li.
Gjeve oss Gud for Kristi Skuld
God Lukka og Liv og Sæla!
So saman me alle, alle kan
Um Herren si Kjærleik mæla!