op de wyse: De werelt is gheheel in roere. ALmachtich Godt seer hoogh verhevenGenes.17,4. Ick roep tot u, hoort mijn ghebet,Psa.143,1. En wilt my uyt ghenaden gheven Dat ick mach worden gantsch versetMatt.18,3. Wt het oude int nieuwe net // certeyn,Apoc.21,5. O lieve Heer, 'tis mijn ghebet, Wilt doch maken mijn herte reyn.Matth.5,8. Nu weet ghy Heere mijn vermogen, Mijn swackheyt is u wel bekent, Maer tot uPsa.25,15. hef ick op mijn ooghen, V met ghenaden tot my went, Ick ben u teere instrument, uLuc.1,44. maecht, Den goeden gheest doch in my sent,Psal.51,12. Op dat ick niet en word' vertsaecht. Gheen meerder vreucht mach my gebeuren, Dan Heer te hebben uwen troost, Ick verwacht hem tot allen uren, Tot dat ick worde gantsch verloost,Matt.6,13. Verhoort dit claghelijck propoost // van my, Wilt u niet berghen alletoost, Maer maeckt, o Heer, mijn herte bly. Nemmermeer en wil ick vertsaghenLuc.8,50. Aen u goetheyt, want sy is groot,Esai.64,1. Sy duyrt altijdt t'eeuwighen daghen,Luc.4,16. 'Tis 'tghen' dat my verblyden doet, En gheeft my eenen goeden moet // altijdt, Om my te helpen u doch spoet,Mat.8,26 T'overwinnen in den strijdtApoc.2,17. End' neemt my aen, Heer, in ghenaden,Luc.15,21. Gheeft my spyse in honghers noot,Matth.5,6. Wilt my met uwen wijn versaden,marc.14,24.
Colos.1,11.En sterckt my teghen den aenstoot, Psa.56,13.Verlost mijn ziele van den doot // comt ras, Ontfanght my doch in uwen schoot, Als ick hier vergae ghelijck gras. Esai.40,6.Ey Heer, verhoort mijn droevich clagen Psal.119,169.Sterckt mijn gheloof, maeckt dat heel vast, Luc.17,6.Op dat ick u soo mach behaghen, matt.22,2In u bruyloft te zijn een gast, Matt.24,44.En dat ick niet en word' verrast // subijt Ist dat ghy, Heere, op my past, Soo sal ick haest worden verblijt. Seght ghy, O Heer, tot myner zielen, Ick ben Psal.18,3 ende 91,2. 144,2. u Borght en schildt voorwaer Esai.8,4.Gheen vyandt en sal my vernielen, Mat.8,26.Soo ick altijt mach woonen daer, Psal.25,16.Vreesen en sal ick niet een hayr // alsdan, Psal.26,1.Comt my te helpen lieven Vaer, Psal.25,1.Tot ick dit vast betrouwen can. Psal.28.Keert u tot my, weest my ghenadich, Mijn hope is in u ghestelt, Ghy zijt mijn Godt end' Heer weldadich, In cracht en macht een stercke Heldt, Door u behouden wy het veldt // met cracht Op't ghen' dat ick hier heb vermelt, Wilt doch, liev' Heere, hebben acht. Psal.25,9.En maeckt nu recht alle mijn ganghen Rechtse doch, Heer, nae uwen raet, Daer nae doet my seere verlanghen, Tot dat het my te recht soo gaet: 2.Petr.1,6.Heer geeft my doch een rechte maet // nu voort Op dat, soo ick nu doe en laet, Gheschiede nae u heylich Woort. Noch wilt, Heer, in mijn hert ontsteken 1.Petr.4,8.De liefde die my noch ghebreckt, Ghy weet, Heer, alle mijn ghebreken, Eph.4,13.Wilt my doch maken heel perfeckt,
Dat ick verschyne onbevlect // mat.22,2. opt feest En nemmermeer en word' verschreckt, Soo langh' ick leef in dit foreest.2.Thess.2. Liev' Heer, u Woordt comt my te baten, Het troost my menichmael int leyt, Ghy segt, dat ghy niet wilt verlaten2.Par.15,4. Die met betrouwen tot u schreytPsa.50,15. En die nu verlaet sijn boosheyt // terstontSyr.17,27. So is u ghenade bereyt,Actor.2,38. Ghy wilt hem maken heel ghesont. En waert schoon dat sijn zonden warenEsai.1,18. Bloet root, sy worden sneeu wit fijn En Christus roept alle zondaren, En seyt, comt al tot my divijn, Die belast en beladen zijn // ick salMat.11,28 V verquicken, Eccl.6,25draeght het Iock mijn, Soo ick hier droegh int jammerdal. Niet stout, maer van herten ootmoedich Ben ick, en sachtmoedich ghedicht Leert dit van my, en volght my spoedich, Mijn Iock is soet, mijn last is licht, Heer, gheeft my een goet bericht // hier van Op dat ick worde so ghesticht, En trecken mach aen dit ghespan. Alle uws liefs Kindts rechte zeden, O Heere, my te recht nu leert, Stiert doch daer toe alle mijn leden, Tis 'tghene dat mijn hert begeert, Daer toe al mijn voornemen keert // met vreucht, Dat uwen Name word' gheeert, End' ick mach worden seer verheucht. Rust soeck ick, Heer, by u te vindenMat.11,29 Aen myner Zielen, dit aensiet, Al comen somtijdts stercke winden,Matt.7,25 Die my aendoen seer groot verdriet, Heer wilt my doch verlaten niet // staet by,Matt.8,26.
My met uwen dauwe begiet, Soo word ick van 'tbeswaren vry. Tot dat ick scheyd' van deser eerden Soo verlaet my doch nemmermeer, Mat.10,22Maer gheeft my, dat ick mach volheerden, En houden my na u begeer, Luc.2,44.Sterckt my u arme dienstmaecht teer // O Godt, Ghy zijt mijn Coninck en mijn Heer, Psal.16,7.Laet op my comen 'tgoede lot. Soo wil ick dese sanck besluyten, Apoc.5,12.En segghen u lof, eer en prijs, Gen.17,1.Ghy zijt een Godt vol van virtuyten, Sap.11,8.Een Coninck groot, machtich en wijs, Esa.57,13.En woont hoogh in u Paradijs // bequaem Al ben ick schoon swack als een rijs, Noch moet ick dancken uwen Naem.
Cookies on Poetry Cove