op de wyse: Tobias tot sterven gheneghen. REcht doch lief Heere nu mijn ganghenPsal.5,9. En laet my u ghenaed' ontfanghen, Mijn jeucht // in deucht //: nu door te bringen Voor alle dinghen. Ingheplant zijn om te draghenLuce.13,6. Als een spruytken na u behaghen, Vrucht soet // met spoet // soo is mijn leven V nu begheven.Rom.11,16. In u laet my ghewortelt blyven, D'oprecht voornemen wilt verstyven, Heel fijn // in mijn // herte deur claerheyt, In uwe waerheyt. Comt te helpen met uwen crachten,Hebr.4,13. Ghy zijt een rechter der ghedachten,Iere.17,10. En kent // present // het hert van binnen, En ons versinnen. Kent mijn droogheyt met uwen rade,Iob,8,11. Maeckt my vochtich door u ghenade, Soo can // ick dan // wassen, vermeeren Tot uwer eeren. Qualijck can ick Heer om verheughen,Ioan.15,4. Yet volbrenghen deur mijn vermeughen, Mijn ziel // ghehiel // dorst nae u goedichPsal.143,6. Alst droogh landt spoedich. Vrucht te brenghen in al mijn leden, Sendt my u hulpe hier beneden,Colloss.1,10 En voort // soo't hoort // in goede wercken, Wilt my verstercken.
matt.22,36En dat mijn hert u mach beminnen, Den mondt u loven en beginnen, Met daet // en raedt, drincken en spysen, Liefde bewysen. Apoc.1,3.Ia dat ick mach met mynen ooren V Goddelijcke waerheyt hooren, Wat vry // in my // is Heer hier boven Dat moet u loven. Alsoo vrucht brenghende int pooghen, Laet mijn hert neder zijn ghebooghen, Verniert // gheciert // nu overvloedich, Gheheel ootmoedich. Luce,17,10.Naer dat wy doen sonder beswaren, Al dat wy te doen schuldich waren, Zijn wy // noch by // onse uytrechten, Onnutte knechten. 2.Cor.2,15.Soet-rieckende laet my doch groeyen, Den goeden wil als bloemkens bloeyen, Op dat // soo wat // ghy wilt, O Heere, Ick ook begeere. Dat ick lief Heer in uwer vresen, Een soeten reuck Christi mach wesen Die saen // nu gaen // namaels verlooren, En den vercooren. Eccle.39,17OCH mocht ick bloeyen als een roose, In mynen tijdt die corte poose, Colloss.4,4.Deuchtsaem // bequaem, in al mijn reden, Nae Christi zeden. Galat.5,22.Tot dat ick soete vruchten draghe, Wercken der liefden alle daghe, My sterckt // en werckt // doch in my crachtich O Godt almachtich. Ephes.4,14En hoedt my doch voor quade winden Voor coud' en hitte naer 'tbevinden, Waer deur // mijn fleur // mocht crygen hinder Oft worden minder.
Recht ghy alsoo, lief Heer, mijn saken, Soo sult ghy mijn herte vermaken, Int hof // tot lof // uwer ghenadenCant.4,16. Wilt my beraden.
Cookies on Poetry Cove