Op de wyse van den 8. Psalm. O onsen Godt, etc. STaet Heer by my deur u goetheyt gepresen, En wilt doch ghy // Heere, mijn helper wesen Dat ic bequaem // mach deurbringen mijn tijt Dat uwen naem // soo word' ghebenedijdt. Col.2,6.O ghy mijn Godt wilt my te helpen comen Iohan.1,11.Nu ick u lieve kindt heb aenghenomen En hem over gheven ben nae 'tbetaem, Voor u, o Godt, te leven ghehoorsaem. Prijslijck heb ick my hem over ghegheven 2.Cor.5,13.Hem alleen en my selfs niet te leven, Sterckt my hier in, lief Heer, en geeft my cracht Mijn hulpe ick alleen van u verwacht
Heer en laet my ter weerelt niet verkiesen Waer deur ic 'tChristlijc wesen mocht verliesen Sluyt daer voor mijn vijf zinnen vast en vrom Dat sulckes in mijn herte niet en com. Idele vreucht en laet my niet hantieren Daer deur vergeetmen Christlijcke manieren, En sijn wesen verliestmen soo terstont Hier in helpt my, en maeckt mijn ziel ghesont. Als mijn ghemoet (lief Heere) wort gedrevenPsalm.41,5 Int wesen deser weerelt, door 'taencleven, En't tijtlijck meer alst Hemels wordt bedocht Soo wort u wesen wijdt t'soecken ghebrocht. Cloec hout my Heer, wilt my wacker maken1.Petr.5,8. Dat ick goe wacht houde in alle saken, Dat ick 'twesen Christi niet en verlies Noch d'aerdsche voor 'tHemelsche en verkies. Openbaert my u wetenschap int ramen D'onwetenheyt neemt wech van my te samen Dat ick u weldaden niet en veracht, Noch my daer aen en versuym dach noch nacht. Noch wilt oock my (o lieve Heere) bouwenMatt.6,22 Simpel int herte met vasten betrouwen,matt.10,16. Dat ick u soo soecken en vinden mach Int hert bewaren vyerich nacht en dach. Een ootmoedich herte gheeft my met rouwmatt.11,29. Over mijn ellende die ick aenshouw, Dat ick dit offer voor u brenghen leerPsalm.5,19 Wt mijnder herten, dat is mijn begeer. Leert my te recht u lichte jock hier draghenmatt.11,30. Sterckt mijn gheloof na u goet welbehagenLuce,17,5. Maeckt dat seer vast, ghesont, soo't u behaecht En soo (lief Heere) sorghe voor my draecht. In uwe handt beveel ick al mijn saken Gheeft my het hemelsche nu recht te smaken,Col.3,2. Houdt my in dit jammerdal by der handt En leydt my tot ick com int hemels landt.
Sonder u hulp wy gantsch niet en vermogen Siet ons doch aen met ghenadigen ooghen, Dat bidden wy u al te samen fijn, Ey laet dit doch deur Christum Amen zijn.
Cookies on Poetry Cove