op de wyse: Tobias tot sterven gheneghen. IN onse roepen ende kermen, Dat Godt hem onser wil ontfermen, Soo laet // die maet // ons doch betrachten, In ons ghedachten. Aenmercken waer toe hy gaet keeren, En sijn barmherticheyt vermeeren, Dat wy // soo vry // die met verlanghen, Moghen ontfanghen. Crachtich de zonden hier beclaghen, Matt.5,4.Want die nu leet en rouwe draghen, Haer is // ghewis // de Heere goedich, En seer lanckmoedich. Ionas 1,2.Op Ninive was Godt verbolghen, Maer doe haer betringh deed' volghen, Was Godt // doe tot // haer seer beradich, Ende ghenadich. By den teghenspoet int benouwen, Staet Godt barmhertich int aenschouwen, Is groot // in noot // zijn sijn ghenaden, Grooter in daden. 3.Mat.*Groot ist aen Israel ghebleken, Door 'troepen en 'tghebedt uytspreken, Doe sy // nae by // nu den doodt waren, Naer Schrifts verclaren. En die den Armen hier bedincken,
Int cleeden, spysen ende drincken, Dees zijn // nu fijn // weerdt te verbeyden, Barmherticheyden.Mat.5,7. Naer Christi Iesu eyghen reden, Die de barmherticheyt hier deden, Sy sal // voor al // haer oock gheschieden Die't soo berieden. Cortlijck sal hy barmhertich wesen, Den ghehoorsamen in Gods vresen, Erbermt // ontfermt // hem haerder spoedich Nu overvloedich. Recht mach men dit aen Paulo mercken Dat Godt barmhertich in sijn wercken Is siet // 'tgheschiet // doe hy sprack coene,Act.9,6. Wat sal ick doene. In Godes vreese te aenverden, Betrouwende daer in volherden, Verwerft // beerft // oock vroech en spade, Hier Gods ghenade. Int Boeck der Psalmen staet geschrevenPs.103,13. Dat Godt hem ontfermt hoogh verheven, Als een // ghemeen // Vader niet minder Over sijn kinder. Nalatende nu die zondaren, Die teghen ons doen, niet beswaren, Maer quijt // altijt // schelden van herten, Al sonder smerten. En vergheven al sonder truyren,Mat.18,35 Onsen naesten tot elcker uyren, Wie vroet // dus doet // sal Godt vercooren Nu gheern verhooren. Neemt dit van my liefste int goede, Met eenen Christlijcken ghemoede, Ick groet // u soet // vry onverholen, Weest Godt bevolen.
Cookies on Poetry Cove