Op de wyse: Tot Godt mach ick wel droevich claghen. FOndeert u vast, den wint sal comen,Matt.7,24 En waterstromen, met groot ghedruysLuc.8,48. Gods woort dat dient wel waer ghenomen, Sal sonder schromen // vast staen het huys, Dus laet ons met betrouwen, Acht hebben op ons bouwen, En niet fonderen op het zandt, Nemen de daet vry by der handt.Hebr.5,15. Kennen d'eerste schoolrecht beseven, Dat ons ghegeven // is van den Heer, Boete te doen, beteren 'tleven,Matth.3,2. Christo aencleven nu even seer, Arm worden en verslaghen,Matth.5,3. Voor de zonde leet draghen, Sachtmoedich zijn, hongeren breyt, En dorsten nae gherechticheyt. Liefd' en barmherticheyt bewysen,
En nieu verrysen // van herten reyn, Om vred' te maken hem advysen, En verjolysen // in druck ghemeyn, Versmaetheyt geerne lyden, En daer in te verblyden, Te zijn een scherp natuerlijck sout, En oock een licht voor jonck en oudt. Slaet niet doot, seyt de Wet des Heeren, Matt.5,22Christus gaet leeren // datmen en sal Wt toornicheyt niemant blameren, Maer met begeeren versoenen al De Broeders en vyanden, Dit gaet voor offerhanden, Daet en 'tbegeerich overspel, Mishaeght hem seer, en 'tsweeren snel. Matt.5,39'TIa sal by Gods kinders Ia wesen, En neen in desen // dat hier neen is, Wraeckgiericheyt wordt seer mispresen Men moet voor desen // lief hebben wis, En doen hier charitaten, Die arm zijn en verlaten, En soecken hier geen roem ydoon, Wy cryghen anders geenen loon. Matt.6,7.Oock moeten zijn onse ghebeden, Met weynich reden, maer uyt den gront, Niet nae der Schriftgheleerder reden, Geen eer beneden // hier soecken ront, Int vasten nu ten tye, En bruyckt gheen huychelye, Vergaderen hier geenen schat, Maer boven in des Hemels stadt. Fijn sorght niet als de Heydens deden, Matt.6,25Om wat ghy cleden, oft eten sult, En oordeelt niet al overtreden, Vwer niet-leden, en cleyne schult En werpt tot geenen stonden Matth.7,6'tHeylichdom voor de honden, En gaet in door de enghe poort, Wacht u van valsche leeringh' voort.
Figuerlijck seyt Christus aendachtich, Dat dit waerachtich // is een wijs man,Matt.7,24 Die dees sijn reden doet seer crachtich, Want sijn huys machtich // wel bestaen can, Dit heet op den steen bouwen, En in Christo betrouwen, Sijn huys en valt tot gheener tijdt, Oft schoon hier veel aenstootens lijdt. En die't hoort, en niet doet bewaren,Matt.7,26 Is naer 'tverclaren // sot ende mal, Sijn huys sal door des wints vervaren, En waterbaren // doen eenen val, Diep in de pijn der hellen, Wat helpt dan sijn bestellen, Dat hy alhier nu heeft gedaen, Ten sal voor Godt daer niet bestaen. Lief Heer, comt ghy ons doch te baten, Wy ons verlaten // op u seer coen,Esai.25,9. Seyndt uwen Gheest op ons der maten,Actor.2,4. Dat wy dat vaten // en daer naer doen, En ons moghen bereyden, V comste te verbeyden,Tit.2,13. O Heere, wat ons noch ghebreckt, Dat wilt doch maken heel perfeckt. Soo ghy ons dit gheeft, Heere goedich, Sullen wy spoedich // u gheven danck, En offeren herten ootmoedich, Seer overvloedich, ons leven lanck,Psa.51,19. En wy sullen te samen, V prysen nae't betamen, Dancken en loven t'aller stondt, En u goetdaden maken condt.
Cookies on Poetry Cove