Op de wyse: In Babylon met onverstande, etc. MAeckt my bequaem om te ontfanghen Vwen Godtlijcken troost o Heer, Psal 16,a6. 73,c 26.Weest ghy mijn deel nae mijn verlanghen, Tren.3,c2.Geen ander hier te kiesen meer, En laet comen in mijn begeer, Want in u is volcomen vreuchde Ocht mocht ick smaken dees gheneuchde, Dat waer mijn beden even seer. Recht vrolijck zijn hier alle dinghen, Als ghy (Heer) teghenwoordich zijt, Maer gantsch verdrietlijck sonderlinghen, Daer ghy niet en zijt nu ter tijdt, Maer ghy maeckt soo die Schrift belijdt, 'Therte gherust in grooten vrede, Hoochtytelijcke vreuchde mede, Brenght ghy ons allen met jolijt. Iae leert my u nu (Heer) recht smaken, Wat mach my qualijck smaken voort, Wat mochte my anders ghenaken, Om te verblyden onghestoort, In u wijsheyt gheheel versmoort, Esa.33,b 18Blyven nu al des weerelts wysen, 1.Cor.1, b18Die 'tvleeschlijck smaken, slecht om prysen, Ps.29,a6.'Tis Heer al ydel nae u woordt. Eccle.1,a2.Alle die haer wijsheyt versaken Coll.3,a3.Sterven den vleesche, u nae gaen, Sult ghy wijs kennen en niet laken, Want sy nemen die waerheyt aen Wt vleesch tot gheest verandert saen, Ephs.4,c24V schoon claer licht doetse verlichten, Datse tot uwer eeren richten, Al datse hier van u ontfaen.
My wilt doch oock int hert ontfincken, O Godt met uwen lichte claer,Luce,2,d 32 Wt der hoochte laet dat doch sincken In mijn hert lichten openbaer, En dat door dringhen voor en naer, En mynen gheest met uws lichts crachten,Rom.16,c 24. Stercken, reynighen mijn ghedachten,Ehp.3,c 20. Dat bid ick u mijn lieve Vaer. En wilt my soo levendich maken, Dat ick verjubileren mach,rom.12,b 12 Tot rechter vreuchd' in u gheraken,Phil.a4. En daer aenhangen nacht ende dach, Och wanneer sal na mijn ghewach, Eens comen die salighe uyre, Dat ghy eens sult uyt liefden puyre, Alsoo verhooren mijn gheclach.Psalm 120. Iae dat ghy my Heer sult versaden, Met uwer teghenwoordicheyt, En gy mijn zijn seer wel beraden Soo lange als desen tijdt verbeyt, Dit my niet en wordt toebereyt, Soo en is (Heere uytghenomen) Mijn vreuchde hier gantsch niet volcomen, Altijt vermenght met herten leyt. In my leeft noch alsdan eylacyColloss.3,5. De oude mensche onghedoot,Gal.5,c 24. b17. Niet heel ghecruyst, in die temtacy Begeert teghen den gheest devoot, Strijdt inwendich met machte groot, Laet der zielen rijck niet met vreden,Ioan.18,b 36. Doet tegens haer ten stryde treden,Ps.140,a 1. Verlost my doch uyt desen nooden,Iob,26,11. En helpt my doch uyt desen nooden,Esai.51,b 15 Die over de Zee hebt ghewelt, Haer baren ende groote vlooden,psalm.107,d 29. Worden deur u heel stil ghestelt,
Vertroost die Heydenen vermelt, Mat.8, c26Die u volck nu bedryghen willen Ghy condtse deur u crachte stillen, Vernielt en slaetse uyt het velt. Psa.10,5,a 5.96.a 4.Recht toont nu Heer u wonder wercken, Dat bid ick u van herten gront, Op dat u handt worde deur 'tmercken, Heerlijck ghemaeckt met hert en mont, Ps.25,a 2. 31.b 15. 146. a 5.Want geen ander toevlucht ghesont, Noch hoope en heb ick op aerden, Dan alleen in u groot van waerden, Mijn Heere mijn God t'aller stont. Luc.1, g 70.Soo ghy my Heere dit sult gheven, 1.Petr.1.b17.Soo sal ick u mijn leven lanck, Dienen met vresen en met beven, Psalm.40, b 14,70, a2.Met daet en mont u segghen danck Lief Heere ick ben teer en cranck, Om my te helpen wilt doch spoeden, Neemt my doch op in u behoeden, Hier mede sluyt ick desen sanck.
Cookies on Poetry Cove