Op de wijse: Tobias tot sterven ghenegen. Rom.6,4.MOghen die nieulijcks zijn begraven, In Christi doodt sy haer begaven, En hen // lieten, doopen al t'same, Actor.2,38.In Christi name. Wilt u nu cloeckelijck bewysen, Rom.6,4,5.Dat ghy meucht levendich verrysen, In het // verset, heylich nieuw leven, Christo aencleven.
Want soo als Christus is verresen, Moeten wy oock int nieuwe wesen, Voort aen // soo gaen, als Christus dede Volghen zijn zede.Gal.3,27. En ghy hebt Christum aen ghetogen, Hem te volghen na u vermoghen, Hem fijn // te zijn, ghehoorsaem stadich Met wercken dadich. Sijn rijckdommen hebt ghy ghenoten,Ephes.1,8. Verworven deur sijn bloet vergoten, Dus is // ghewis, u zond' vergheven En uyt ghewreven. Gherechticheyt deelt hy u mede,Rom.3,21. En verwerf u seer grooten vrede,1.Cor.5,18. Wilt met // opset, hem nimmer breken Blijft onbesweken. Desen man liet ghy u vertrouwen,2.Cor.11,2. Hem troulijck ghelove te bouwen, 'Tlichaem // bequaem, en oock die ziele Dien hem ghehiele. Hebt doch acht op't bedroch der slanghen,Genes.3,4. Die met byte Evam ginck vanghen, Sy beyde // verleydts, werden te samen Moesten u schamen. En laet u doch in genen stucken,1.Cor.11,4. Wt der eenvoudicheyt verrucken, Die daer // is claer, in Christo goedich Behoutse moedich. Soo sult ghy in synen arm rusten, En in sijn goetheyt u belusten, En hy // sal vry, avonts en morghen V gaen versorghen. Blijft ghy soo ghetrou sonder falen,1.Petr.5,3. Soo sal hy u in sijn rijck halen,Apoc.2,10. Die croon // seer schoon, u daer op setten4.Esd.2,43 Wilt hier op letten.
Sneeu witte cleyder sonder vlecken Sal hy u daer cielijck aentrecken, Hy gheeft // beleeft, in u handt coene Palmtacxkens groene. Apoc.14,3.Het nieuwe Liedt sult ghy daer singhen Mala.4,10Als mestcalverkens vrolijck springhen, En sult // vervult, worden met vreuchde En veel gheneuchde. Daerom beminde all' met namen Apoc.2,10.Blijft doch ghetrouwe al te samen, Want wie // en die, Heer overwinnen Mat.25,13.Gaen mede binnen. Al zijt ghy somich jonck van jaren Godt is machtich u te bewaren, 1.Tim.2,22Gheblust // die lust, der jeucht wilt myden Tot allen tyden. En hout u altijt totten vroomen Daer by maeckt u te samen comen, Verlicht // ghesticht, wordt ghy midts desen Int goe ghepresen. LIjfste van my neemt dit int goede NAERT alderbest elck een hem spoede, Mat.25,16CLOeCK zijt // altijt, wilt uwe gaven Doch niet begraven. Gheeft ons dit t'samen lieve Heere 'Tis begonnen tot uws naems eere, Versterckt // en werckt, het uyt heel crachtich O Godt almachtich. 384. Een vermaen-liedeken.
Cookies on Poetry Cove