Op de wyse: van den 100. Psalm: Ghy Volckeren des aerdtrijcks al. Psal.88,2.TOt u roep ick, o Heer bekent, Psal.86,16.V met ghenaden tot my went,
En maeckt doch mijn ziele ghesont, Dat bidd' ick u van herten gront. Recht kent ghy al mijn swackheyt grootApoc.3,17. Voor u verschijn ick naeckt en bloot,Luce.15,25. Heer, gheeft my u behouden cleyt Dat duyren mach in eeuwicheyt. Iae, o Godt, schept in my ghemeyn,Psal.51,11. Een nieuw ghemoet, end' herte reyn,Matt.5,8. Op dat ick u aenschouwen mach,Ephes.6,11. En bestaen in den quaden dach.Psal.119,3. In uwe weghen heb ick lust,Psal.1,1. Te wandelen al sonder rust:Actor.3,8. Maeckt, Heere, doch mijn voeten vastmatt.11,30. Dat ick mach draghen uwen last. Noch, Heer, door u crachtighe handt Ontsteeckt in my der liefden brandt,1.Petr.4,8. Tot u voor alle dinghen fijn,Deut.6,5. Dat mijn gheloof mach dadich zijn.Galat.5,6. Het gae my Heer dan als het can,1.Petr.1,9. Dat ick doch mach brenghen daer van, De salicheyt tot eenen loon, End' ontfanghen des levens Croon. Ey lieve Vader, mijn stem hoort,Ephes.4,7. En spreeckt tot my een troostlijck woordt:Luce,8,48. Dochter, ghy zijt ghesont ghemaeckt,Mat.9,14. Met vreden in mijn huys gheraeckt. Nu gaet in vreden alle tijdtLuce.7,49. O Heer, dan sal ick zijn verblijdt,Phil.3,1. End' ick sal uwen grooten Naem Loven en dancken seer bequaem. Recht sal ick dan zijn seer verheucht,Esai.40,9. End' uytvercondighen u deucht,1.Petr.2,9. Onder dees arme Weerelt blindt, My bewysen, als een lief kindt. Iae ick sal u uyt al mijn cracht,Deut.6,5. Dancken en loven dach en nacht:Psal.46,2.
Psalm.15,5.Beroemen dat ghy zijt gantsch goet, Ghenoechsaem, vol in overvloet. Esaie.55,13Crachtighe Godt in 'sHemels Throon, Hoe zijn all' u wercken soo schoon, Psalm.34,9.V vriend'lijckheyt is heel volmaeckt, 1.Petr.2,3.Wel hem, diese te recht hier smaeckt. psal.148,12.Knechten en Maeghden al ghelijck, Ionck ende oudt, arm ende rijck, Looft onsen Godt al datter sweeft psal.150.6.Iae hier 'tleven ende adem heeft. Psal.104,1.Swijcht niet mijn ziel, maer looft den Heer Wt al u crachten, met begeer, Psal.104,32.Volhert daer in al u leven lanck, En seght hem stadich grooten danck.
Cookies on Poetry Cove