Op de wyse van de neghen Soldaten, tot Randenroy ghevanghen. VVIlt doch nu hooren singhen Een corte nieuwe Liedt, Dat ic ons sal voortbringen, 'Tzijn wonderlijcke dingen De Weerelt acht des niet.Gen.15,15. De Weerelt int verstranghenIoan.17,25. Die leydt in grooter noot, Sy heeft haer seerApoc.8,13. verganghen, De vyandt houtse ghevangen,Matt.7,13. Ghevanghen tot der doodt. Hy houtse vast ghebonden Met synen wille quaet,1.Ti.2,26.
Met den stricken der zonden, Och mocht sy't Matt.7,13.recht deurgronden Waer datse henen gaet. Ephes.4,17In allen haren wesen Is niet dan ydelheyt, In hoochmoedt seer geresen Sy schaemt haer niet in desen, Soo seer is sy verleyt. Gal 5,20.Sy suypen en sy vreten, matt.13,19.Sy tieren also dol, Gods wil die wordt vergeten, Actor.7,57.Den willen sy niet weten, Ioan.8,44.Al boosheyt zijnse vol. Gal 5,20.Sy wennen haer int lieghen, Ephes.4,28By haer is haet en nijt, Sy steelen, rooven, kriegen, Malcanderen bedrieghen En aen doen groote spijt. Hoe can ment al vertellen Wat nu ter tijdt gheschiet, Hoe sy haer nu 1.Cor.10,20verstellen, Tot den Afgods ghesellen, Ist niet een groot verdriet. Noch willen sy haer roemen Matt.7,2.Dat sy goe Christen zijn, Gods Wet salse verdoemen Apoc.19,21.Dat sy te sterven comen Apoc.20,10Al in der Hellen pijn. Daer sy dan moeten sterven matt.25,47.Den langen tijt voorwaer, En eeuwichlijck bederven, En geen ghenaed' verwerven, Dat lyden valt te swaer. Elck wil dit deurgronden, Matt.3,8.En crygen eenen schrick, En houden op van zonden, Matt.21,2So wordt hy dan ontbonden 1.Ti.2,26.Al van des Duyvels strick. Col.2,14.Die sijn macht breeckt te samen, Luce,21Is Christus triumphant, Die riepse al met namen, matt.11,29.De creupelen en lamen, Luce,4,40.Helpt haer met syner handt. Och wilt u doch opmaken Ghy arme Weerelt blent,
Den tijdt begint te nakenEphes.4,17. Dat ghy soudt moeten smaken2.pet.3,10. Het eeuwighe torment.Matth.3,8. Wilt u van zonden keeren,Actor.16,31 Neemt Iesum Christum aen, Sijn wesenmatt.11,29. wilt doch leeren, Soo sal de Heer der heerenZach.3,7. V minnelijck ontfaen. En nemen in ghenaden,Luce,15,20. 'Tis nu den tijdt bequaem, Wilt u niet lang beraden,2.Cor.6,2. Oft ghy soudt deur 'tverspadenGal.1,16. Niet worden aenghenaem.matt.25,13. Ghy jonghe domme zinnen, Dit wel ter herten vaet, Wilt vroech by tijt beginnenPs.119,9. Het leven te beminnen1.Petr.3,10 Dat nimmer en vergaet. Wilt ghy het leven vatenmatt.16,25. Dat eeuwich sal bestaen, Moet ghy het u verlaten,Galat.5,16. Met synen lusten haten,Matt 7,14. Den nauwen padt in gaen.1.Pet.2,12. Die Christus heeft ghetreden,Eph.5,1. Wilt hem doch volghen naer, Op dat ghy1.Cor.5,38. doch u leden Besitten meucht met vreden By de Enghelsche schaer. Om de jeuchde te stichtenEphes.4,18 Die leght in blintheyt groot, Ginck ick dit Liedeken dichten, O Heer, wiltse verlichtenIoan.1,10. Door u ghenade bloot.2.Pett.3,11. Het is gheschiet int scheyden,1.Thes.4,17 Adieu nu allegaer, Elck een wil hem bereyden Den Heere te verbeyden Al in de wolcken claer.
Cookies on Poetry Cove