Op de wyse: van den 5. Psalm. Verhoort o Godt mijn woorden, etc. ALmachtich Godt wilt my gheleyden, Na u gheneuchlijck Hemels rijck, Richt mijn voeten t'samen ghelijck, Psal.27,17.Op uwen padt, deur u goetheyden, Matt.7,13.Sonder verbeyden. 4.Esdr.7,17.En leert my den smallen padt treden, En dringhen deur die enghe poort, Altijt spoeden, en soo gaen voort, 2.Tim.2,4.Tot mynen strijdt (na Pauli reden) 1.Cor.9,25.Sal zijn ghestreden. Lief Heer om desen prijs te winnen, Eph.6,10.*Moet ick stadich zijn in den strijdt, Ten zy dat ghy mijn helper zijt, Soo en helpt niet al mijn verzinnen, 'Twerck te beginnen. Gheeft my die wapens om te stryden Teghens mijn vyanden eenpaer, 'Tvleysch, duyvel en weerelt te gaer, Weest doch, o Heer, my te bevryden, Op mijnder zyden. Ephes.6.*En begordt met waerheyt mijn lenden, Metten Creeft der gherechticheyt, My doch in al mijn doen becleyt, Daer toe wilt my u gracy senden, V tot my wenden.
En laet gheschopt zijn myne voeten,Ephes.6.* Altijdt te vercondighen 'tgoet Bereyt te doen, dat men doen moet, O Heer dat ick u mach ontmoeten, T'mynen versoeten. Wilt my den schildt des gheloofs gheven,Ephes.6.* Op dat ick Heer uytblusschen mach, Des vyants pylen deur den dach, Schietende, staet hy na mijn leven Schalck, wel bedreven. Op mijn hooft set, na u behaghenEphes.6.* 'Thelmet, dat ick sal salich zijn, Door u ghenade Vader mijn, Soo can ick veel lydens verdraghen Sonder vertsaghen. Voorts wilt my neerstich bidden leeren, Ghestadich in al mynen noot, Daer met ick word' bestreden bloot, Want ghy meucht my die cracht vermeeren, Tot uwer eeren. 'Toont ghy my Heer dese goetdaden, Soo mach ick stryden als een heldt, Door uwe cracht behoudent veldt, En namaels salich zijn beraden Gantsch uyt ghenaden.Ephes.2,7. Staet Heere by my int verstranghen Tot mynen strijdt ghestreden zy, En ick dan mach met moede bly Waerdich zijn die croon t'ontfanghen Nae mijn verlanghen.
Cookies on Poetry Cove