Op de wyse: Broeders en Susters en vreest doch niet. Esai.7,14.EManuel Gods lieve kint, Mat.1,23.Zy altijdt in u hert' gheprint, O liefste mijn, Mat.24,13.Op dat ghy doch meucht tot den eyndt Volstandich zijn. Rom.13,13.Leeft doch in aller eerbaerheyt, Mat.25,1.Nu ghy den Bruydegom verbeyt, In uwe jeucht, Sijn Rijcke is voor u bereyt, In grooter vreucht. 1.Petr.5,8.Siet doch wel toe, houdt goede wacht En dient den Heere dach en nacht
Van herten gront,1.Ioan.2,15 Dees boose weerelt doch veracht Tot aller stont. Keert u doch niet van Godt den Heer, Hy heeft u lief ghehadt soo seer, Iae van der doot V opverweckt naer sijn begeer,Rom.6,2. Wt liefden groot. En wilt doch des vergeten niet, Dat u door Christum is gheschiet, En u verclaert, Hebt acht op 'tghen' dat hy ghebiet, Dat wel bewaert. Noyt oogh' en sach de blyschap al,1.Cor.2,9. Die hy den synen gheven sal, Als hy seyt dit: Comt mijn uytvercoren getal,Mat.25,35 Mijn Rijck besit. Merckt, weynich sullen binnen gaen, Maer vele moeten buyten staen, Int lyden groot,Mat.13,41 Want al die't quaet hebben ghedaen, Gaen in den doot. Om tijdt sullen sy roepen snel, Maer veel te laet, want in de HelApoc.10,5. Daer staet haer huys, Daer lyden sy eeuwich ghequel By dat ghespuys. Lief kindt, neemt doch u selven waer, Dat ghy meucht onder den Outaer,Apoc.6,9. Hebben u rust, De weerelt haet, doet niet met haer, Dat haer ghelust. WOERDE u yemant toonen 'tRijck,Matth.4,8 Van deser werelt al ghelijck, Daer niet op acht, Want het vergaet t'samen als slijck Des weerelts pracht.
DES HEYLGEN GEESTeS vreuchden goet Laet in u groeyen met der spoet, O jeuchdelijck graen, Wilt altijt met hert ende moet, Naer 'tgoede staen. VOL is de Heere van goetheyt, Iae syner grooter Majesteyt, Beveel ick u, Op dat hy u vinde bereyt, Blijft doch ghetrou.
Cookies on Poetry Cove