Op de wyse: Van den blinden Man. IN mynen maechdelijcken staet,1.Cor.7,7. Lief Heere my doch na beraet, V gave my ghegeven, Leert my te recht beleven. Aendachtich leert besorghen my1.Cor.7,32. Wat u Heer wel behaechlijc zy, Al u HemelscheCollos 3,2. goeden, Leert my te recht bevroeden. Niet het aertsche d'welck sienlijck is,Luce,21,33. Maer 'themels dat eeuwich blijft wis Gheeft my nu te bedincken, Mijn hert wilt soo ontfincken. Nacht en dach laet zijn mijn bedrijf, Op dat ick mach aen ziel en lijf, Heylich zijn1.Cor.7,34. in mijn daden, Nae u Godtlijck beraden. En daerom, o mijn God en Heer, Heylicht my daer toe altijt meer, Ghy moetLev.21,24. dit in my wercken, Wtvoeren en verstercken. Ghy condt my heylighen perfeckt, 1.Tes.5,23. Soo dat my gantsch niet en ghebreckt, Mijn lichaem en mijn ziele, Oock mynen Gheest ghehiele. En dat dit t'samen sonder swijck Wort gheheel onberispelijck, Behouden uytgenomenmatt.25,31. Als Christus dan sal comen. In u trouwe altijt gheschiet1.Cor.1,7. Hoop ick, soo ghy my roepen liet,Phil.1,6.
Soo sult ghy oock volbringhen, In my al dese dinghen. Anders en mocht niet bestaen, Ioan.15,5.Want worter yet van my ghedaen, 'Tmoet zijn deur u ghenade, Hulp en cracht vroech en spade. Iob.7,1.Niet en vertoeft biedt my de handt, En leyt my recht na't Hemels landt, Apoc.14,13.Wt des strydens ellende, Tot rusten sonder ende. Luce,17,5.Sterckt mijn geloof, mijn hoop maect vast, Gheeft dat de liefde altijt wast, Vyerich nae mijn betamen, Laet dit Heer worden, Amen.
Cookies on Poetry Cove