Op de wyse: Het hadde een Graef een Dochterken, etc.
ALs lieve kinders opghevoet Rom.1,3.Wensch ick u Gods ghenade goet, Al zijt ghy wijt gheseten, So en wordt ghy in mijn ghemoet, Doch nemmermeer vergheten. Nu ghy woont in een woeste Landt Eph.1,14.So houdt u aen het onderpandt, Dat Godt Rom.8,16.de Heer wil gheven, Synen kinderen, door sijn handt, Die daer leydt tot den leven. Mat.4,19.Nu ghy beroepen zijt eenpaer, 1.Tim.6,15.Iesum Christum te volghen naer, Den Coninck Apo.17,14.aller eeren, Soo neemt doch u beroep Ephe.4,1.wel waer, En helpt sijn Rijck vermeeren. Also ghy dickwils zijt gheleert Galat.3,27.En u ooc hebt tot hem bekeert, Hem ten deel aengheneomen, So gaet doch voort, t'is mijn 2.Petr.3,10.begeert, Synen dach sal haest comen. Luc.21,23.ENDE soo gantsch verschricklijck zijn, Apoc.1,7.Alsoo dat ooc op den termijn, All' volcken sullen schreyen, En vreesen voor die groote pijn, Maer nemmermeer ontvleyen. Sapien.5,1.Fijn en ghetroost sullen dan staen, 2.Thess.4,17.En met Christo in vreuchden gaen, Al die sonder beswaren, Sijn woordt hebben ghenomen aen, En dat ghetrou bewaren. Mat.25,21.En elck een die nu wel bewaert 'Tgene dat hy hem heeft verclaert, Die sal hy noch meer geven, En seggen hem uyt goeder aert, Gaet in het eeuwich leven. Yeghelijck zy nu neerstelijck Mat.11,12.Te stryden om het Hemelrijck, Men moet ghewelt bewysen, Wie overwint sonder beswijck, Dien sal de Vader prysen. VAN aerdtschen dinghen u onthoudt Colos.3,3.Om nootdruft en zijt niet benout, Soeckt eerst Matt.6,25. Godts rijck ghepresen, Want de Heere wilt menichfout, Dan u versorgher wesen.
Comt ter bruyloft in reyn cieraet,Mat.22,11. Dewijl' de deur noch open staet, Eer sy wortLuc.13,23. toegeslegen, Wee haer die dan comen te laet,Mat.25,15. Door hare cromme weghen. Op s'Heeren smallen padt gaet voort,Matt.7,14. Wy moeten door de enghe poort, Willen wy ons verblyden, Dus wilt u nae des Heeren woort, Met Godts kinderen lyden. Reysen wilt na IerusalemApoc.21,1. Met Christo, en volght neerstich hem,Mat.16,21. Want hy gaet neerstich vooren, Sijn SchapenIoan.10.4. volghen syne stem, Willen gheen ander hooren. Troost u altijt met syner leer, Want hy en verlaet nemmermeer,Die hemIoan.14,18. willen aenhanghen, Wie haer versmaet, doetMat.10,40. hem oneer, Sijn liefd' heeft haer omvanghen.Mat.27,34. Ende sulcke een liefde grootMar.15,14. Bewees hy ons aen't Cruyce bloot,Esai.53. Met sijn armen ontloken, Ons te verlossen van der doot, Soo van hem was voorsproken. Neemt doch van my dit cleyn ghedicht, Wt liefden voor een goet bericht, T'wort uyt liefden gesonden, Op dat wy voor Gods aengesicht,Apoc.14,3 Sijn lof mogen verconden.
Cookies on Poetry Cove