Op de wyse van den 16. Psalm: Bewaert my Heer, weest doch, etc. MIjn Heer mijn Godt my doch een herte gheeft,Ios.24,14.
Dat voor u beeft // en hier van quade lusten En van al t'ghen' dat hier hoveerdich sweeft Gheen vreuchd' en heeft // maer ootmoedich mach rusten, Daer in uwen heyligen Gheest mach woonen Hier toe mijn Godt wilt my u gracy toonen. Matt.5,8.Alsoo wilt oock mijn hert' en mijn ghemoet Suyveren soet // ja heel ghereynicht maken Van al het gheen dat my besmetten doet, In mijn hert vroet // en knaecht in vele saken O Godt dat waer myner zielen bequame, Dat ghy in mijn hert mocht rusten vreedsame. 'Tis oock noch tgheen dat ick hertlijc begeer Rom.12,4.O Lieve Heer // dat ick eenich mocht wesen, Als een ledeken aen u lichaem teer Nu altijt meer // verbonden vast door desen, Dat den bandt der enicheyt doch mocht houwen En uwen heylighen Gheest my bedouwen. Tot dat ick dit perfecktelijck bevin, Helpt my daerin // wat my noch doet ontbreken Dat vervult Heer te recht na uwen zin, Met dit ghewin // wilt mijn herte ontsteken, Dat uwen Gheest, een stifter aller saken, Rom.8,10.Aen u lichaem my mach levende maken. HEere mijn hert tot eensaemheyt nu went, Gheheel absent // van al ydele dinghen, Recht dat nu na 'themelsche regiment, 'Tis my bekent // dat ick u moet voortbringen Luce,15,1.Wt 'shertsen gront seer neerstighe ghebeden, Begaeft my daer toe met bequame reden. Voor al geeft my, O Heer, een goet gehoor marc.7,35.Opent mijn oor // dat ic neerstich mach hooren V heylich Woordt // d'welck my daeghlijcks comt voor, Ioan.3,3.En soo daer door // mach worden nieu geboren Als een nieu kindt den heylgen Geest ontfangen
Die my mochte leyden in al mijn ganghen. STYf ende vast maeckt doch mijn gemoet fijn, Dat ic met schijn // en daet my mach bekeeren, Van alle zonden die verloopen zijn,Actor.2,38. T'elcken termijn // O Godt dits mijn begeeren Op dat het niet en zy om my te schromen, Maer dat uwen Gheest, Heer, op my mach comen. Soo lieve Heer dit doch in my vervult, Alsdan ghy sult van my worden beleden, Een barmhertich Godt, seer groot van gedultPsal.145,8. En voor mijn schult // dat ghy hoort mijn gebeden So sal ick u dienen al mijn leefdagen Door u ghenae alleen doen u behaghen. Seer ootmoedich is dit Heer mijn ghebedt, Daer op doch let // het com voor u daer boven Als een soete offrande onbesmet,Phil.4,19. Bequaem en vet // om uwen Naem te loven Maeckt my gheschict, bereyt tot allen tyden Om in u salicheyt my te verblyden. EN hier met Heer beveel ick in u handt Al mynen standt // mijn leven en mijn sterven Door Iesum Christum der menschen heylant1.joan.4,14 Nu triumphant // laet my genae verwerven, Dat ick dees vreuchd' mach sien met mynen ooghen, En in u mynen Godt loflijck verhooghen.
Cookies on Poetry Cove