Het groote liede-boeck

Op de wyse van den 35. Psalm: Twist Heer met mijn twisters, etc. COmt doch, end' u beroep aenhoort,Ephes.4,1. De een segh het den andren voort, Dat Gods Name doch word' in desen,1.Petr.1,2. Van ons te samen hoogh ghepresen,Ephes.1,3. En dat een ellick wel betracht,Ephes.1,20. Wat Godt heeft door sijn groote machtColoss.2,12. Ghewrocht, en door sijn stercke handt, Iesum Christum onsen Heylant. Roepen laet hy ons allegaer,Matt.11,28 Belast zijnde met zonden swaer, Hy wil ons helpen uyt Eph.2,7.ghenaden, End' ons van den zonden ontladen,Esai.35. Dit hy ons nu te weten gheeft,Ephes.3,5. Dat hy velen verborghen heeft, Dat wy bekennen met bescheyt, 'Tfundament onser salicheyt.1.Cor.3,11. In hem alleen staet ons verlaet, 'Tverdienst comt niet door onse daet,Ephes.2,4. Het wordt ons Armen, in dit leven,Act.15,11. Van Godt uyt ghenaden ghegheven,Tit.3,5. Door de kennisse van Christo,

Die ons beroepen heeft also, Ephes.1,19.Door sijn groote heerlijcke cracht, Act.2,40.Holp hy ons van 'tboose gheslacht. 2.Petr.1,3.Siet, costelijcke dinghen fijn, Ons door Christum ghegeven zijn, Esai.56,4.Also dat wy souden verresen, Ioan.1,12.Te samen nu deelachtich wesen Rom.8,15.Van sijn Goddelijcke natuer, Colos.1,10.Als kinder nieu gheboren puer, 1.Ioan.2,15.Soo dat wy vlieden 'swerelts lust, 2.Petr.1,5.Die doch seer corts wordt uyt gheblust. Toesiet, dat ghy neersticheyt doet Om te bewysen metter spoet, Christ'lijcke deucht voor alle dinghen, Wel die haer tijdt alsoo doorbringhen, Dat van haer niet en wordt ghedaen, 1.Petr.2,22Dan soo Christus is voorgegaen Phil.2,5.En die worden alsoo ghesint, 1.Ioan.5,6.Als Christus was, Gods lieve kint. 2.Pet.1,6.In dese deucht seer wel beproeft, De wetenschap men oock behoeft Waer dat men wenden sal oft keeren, Alle dinck te doen nae Gods begeeren, Men moet neerstich waernemen, wat Aen wien, end' ock in welcke stadt, Hoe veel en weynich over al, Men dese deucht ghebruycken sal. 2.Petr.1,6.Noch hoort tot desen Christen staet Bescheydenheyt, en rechte maet, End' een ghemoet te overwinnen T'ghen' dat dees weerelt gaet beminnen, Matt.11,29T'moet al van Christo zijn gheleert, Mat. 11. 7.T'ghene dat men alhier hanteert Wee haer, die nu zijn wanckelbaer, En volghen de Weerelt eenpaer. 2.Petr.1,6.Als dees bescheydenheyt daer is,

Moet lijdtsaemheyt volgen ghewis, Als ghy wel doet in uwe tyden, Dat ghy de quade oock meucht lyden, End' u van droefheyt niet ontset,2.Tim.2,25 Wat u aendoet een Mensch besmet, Het zy teghenspoet oft gheluck, Dat ghy doch niet en siet te ruck.

Pause.

Van't recht Gheloof doch niet en wijckt2.Petr.1,6. Dat wel by lijdtsaemheyt ghelijckt, Rechte eer Gods moet by u blyven,Prov.3,9. Wel haer die't in haer herte schryven,Iere.31,33. Alsoo dat al 'tgheen, datse teer, Hier doen, gheschie tot Godes eer En stercken daer nae hare saeck, Het zy rust, ofte onghemaeck. Als ghy dees Godtsalicheyt vast2.Petr.1,7. Hebt, soo moet ghy oock 'tlichte lastMatt.11,30 Der liefde in u herte draghen, Broederlijck, nae Gods welbehaghen, Soo ghy Godt lief hebt, om Gods wilDeut.6,5. Alsoo moet ghy lief hebben stil,Ioan.13,34 Gods kinderen, na by ghebrocht,1.Petr.1,19. Door Christus bloet diere ghecocht. Nu wordt de liefde seer vermeert, En wast, dat Gods Naem word' gheeert, In het uytwendighe bewysen,Mat.25,35 Met wercken die Christus sal prysen, Niet alleen aen de Christen, maerRom.12,20 Oock aen de weereltlijcke schaer, En slaet dit doch niet in den windt, Want Godt heeft ons alsoo bemindt. Hier op, vrienden, stelt u ghemoet, Want dese zijn de vruchten soet, Die een Christen Wijnranck moet bringhen,Ioan.15,1. End' uyt een recht gheloove springhen,

2.Petr.1.8Waer dit overvloeyt menichfout, By Gheloovighe jonck end' oudt, En laet het haer onvruchtbaer niet, Met sijnen dauw' haer Godt begiet. 2.Petr.1,9.En wie dees vruchten niet en heeft, Oft hy hem schoon daer voor uyt gheeft, Men draeght vergeefs de Christen namen matt.22,13.Voor Godt sal men hem moeten schamen, Hy voelt en tastet met der handt, Ioan.12,35.Ghelijck een blind' doet nae de Wandt Psal. 34. 9.Die nimmermeer eens en gheraeckt, Gods goedicheyt hy niet en smaeckt. Iae laet hem alsoo voeren om, Des Weerelts lust, end' de rijckdom Verblint sijn hert int onderwinden, Dat hy den wegh niet en can vinden, Die tot Christi Ghemeynte gaet, Is niet danckbaer om sijn ghenaet, Maer verachtse, als waer sy slecht, En blijft alsoo een onnut knecht. Seer beminde in Godt den Heer, Oeffent u doch in dese leer, Wilt Iesum Christum met verlanghen Iac.1,23.Tot eenen spieghel voor u hanghen, Niet op den brief, noch aen de wandt, Maer in u herte met verstandt, Die vlecke haet, die hem mishaeght, Dat ghy namaels de Croone draeght. Tot een seer lieffelijcke groet Ontfanght dit doch, uyt liefden goet Is het ghesonden, u Luc.24,31t'ontsincken, En dat ghy myner soudt ghedincken, In u ghebedt dach ende nacht, Ghy sult oock van my zijn ghedacht, 2.Cor.3,6.De Heere maeck ons al bequaem, Om aen te roepen synen Naem.