Op de wyse: Te Mey als alle Voghelen singhen. DEnckt dat wy moeten sterven // al,Syr.14,15. En wat men dan beerven // sal, En uyt ons noch sal waerden, Als wy gaen na het duyster dal, En dan.12,12.slapen in der aerden. Iae als al dinghen zijn vergaen,2. Cor.4,18. Die wy met ooghen saghen aen, Dat wy dan met den vromen, Moghen met vreuchden daer opstaen, En tot den Oordeel comen.Hebr.9,27. En dat wy daer verblyden seer, Met Christo Iesu onsen Heer,Apoc.20,6. Eeuwelijck triumpheren, Daerom laet ons doch nu sijn leer Aennemen met begeeren. Van hem leeren waren ootmoet,Mat.11,19. Nemen op ons sijn jock soo soet Sijnen lichten last draghen En worden nieu gheboren vroet,Ioel.3,3. En doen sijn welbehaghen.
En gaen ons gantsch te buyten jent, Bekennen gheern onse ellent, Ons broos sondighe leven, Segghen, O Heer, u tot ons went Luce,4.Wilt ons zonden vergheven. Mat.10,16Recht ghelooven in Godes Soon, 1.Ioan.2,2.Dat hy is ons versoener schoon Op datmen dit mach hoopen, Moetmen in synen Naem ydoon, Actor.2,38.Hem alsdan laten doopen. Den ouden Mensche onverschreckt Rom.6,4.Laten begraven heel perfeckt, En met Christo verrysen, Met een nieu leven aenghetreckt, Hem vromelijck bewysen. In oprechte vromicheyt voort, Soo leven nae de nieu gheboort, 1.Petr.3,11.En hem van 'tquaet-doen wachten, Om goet te doen soo dat behoort Moetmen voor al na trachten. En dienen Godt van herten reyn In al ons doen, int groot en cleyn, Coloss.3,1.Altijdt het Hemelsch soecken, Hebben daer in ons lust alleyn, Ons houden als de cloecken. Raden laet u, volght desen sin Niemandt en comt ten Hemel in Die den wegh niet wil treden, Maer sal hebben voor sijn ghewin, De pijne hier beneden. Cloeck worden die gheheeten daer, Die haer tijdt hier nemen waer, Nu sy de Heer laet roopen, Diet nu versuymt, salt openbaer, Daer dier moeten becoopen. Kort is ons tijdt, hy haest vergaet,
Die Bloem die op den Velde staet,1. Petr.1,24 Is corts en haest verstoeven: Wee haer die daer comen te laet, Sy sullen haer bedroeven. Salicheyt is haer toegheseyt, Die haer by tijdts maken bereyt, En om geen aerdtsche dinghen Ontschult maken, sy sullen breytLuc.14,18. Namaels van vreuchden springhen. DOCHTER, het beste deel verkiest,Luc.10,42. Dat ghy u Ziel niet en verliest, Maer meucht nae Godts behaghen, Namaels in het Hemelsch Foriest,Sap.5,17. Een Croon der eeren draghen.
Cookies on Poetry Cove