Op de wyse: van den 13 Psalm. Hoe langh hebt ghy besloten Heer. GEnadich Godt biedt ons u handt Om te volvoeren desen stant Daer wy t'samen zijn in ghetreden, Segent ons doch, 'twort u ghebeden Col.3,14.Verbint ons metter liefden bant. Recht leert ons lief Heere te gaer Ephes.4,2.Ons beroep recht te nemen waer, Ephes.5,25.Siende op Christum nae 'tbehooren En sijn ghemeynte uyt vercooren 'Twesen altijt te volghen naer. In dit voornemen gheeft ons cracht En sterckt ons deur u stercke macht, 1.Cor.7,5.Teghens 'svyants list en temtacy Bewaert ons doch Heer deur u gracy Houdt ghy doch over ons die wacht. Eenich om u t'aenroepen fijn Mat.18,19Laet ons (o Heer) ghestadich zijn, Voor u te brenghen ons clach-reden Tobie.8,4.Soo die heylighe voormaels deden, Met eenen aendachtighen schijn. T'uwer eeren seer wel besint Ons soo vast te samen verbindt, Ephes.3,4.Met den bant des vredens verheven Rechte eenicheyt in dit leven, T'onderhouden soo ghy bemint. Ghestadelijck laet doch ghedicht Ons opsien in u zijn ghericht, In alles uwen eer te soecken
En ons' salicheyt metten cloecken, En dat die naeste word' ghesticht. Eenen goeden willighen GheestPsal.51,12. Gheeft ons hier toe doch aldermeest, En een ghemoet nae u behaghen Den vrede neerstich na te jaghen,1.Petr.3,11. Hier in doch ons' berader weest.Psalm.37. Fijn weten wy na Schrifts vermaen Dat dit wesen haest sal vergaen, Al 'thouwen, trouwen, mannen, wyven,1.Cor.7,35. Dat men hier doet en sal niet blyven Maer u Bruyloft sal vast bestaen.Apoc.19,7. Recht Gheestlijck dit wesen zijn moet Door 'tgheloove verbonden soet, Hier toe wilt ons' gheloof vermeeren Barmhertich Godt ghy Heer der Heeren, Ons soo te helpen u doch spoet.Psal.70,2. In u ontfarm naemt ghy ons aen Ons' schult hebt ghy voor ons voldaen,Esai.53. Tot eender Bruydt ons aenghenomen Ons te verblyden metten vroomen, D'eeuwighe vreucht met haer t'ontfaen. En te erven die rijcke stadtApoc.21,2. Die d'Engel metter maten madt, Daer men des Lams Bruyloft sal houwenApoc.19,7. V aenghesicht eeuwich aenschouwen, Wie can ghenoech bedencken dat. Staet by ons Heer deur u goetheyt Dat wy moghen wesen bereyt, Op dese Bruyloft te ghenaken En soo moghen voor alle saken, Verciert zijn met het Bruylofts cleyt.matt.22,11. En hier toe laet doch Heer bespiet Strecken al 'tgeen dat hier gheschiet, Van ons in all' ons doen en laten Dat het gheschie in goeder maten,
T'uwer eeren en anders niet. Nae ons' ghebedt en claghe sanck Segghen wy u o Vader danck Om u weldaet aen ons bewesen, Vwen name moet zijn ghepresen Door Christum al ons leven lanck.
Cookies on Poetry Cove