Op de wijse: Doe ick lestmael by haer was, doe was ick niet alleene, etc. AENhoort ghy alderliefste mijn Hoe wee dede het scheyden, Doe ghy tsamen op dat termijn Ons lieflijck ginckt gheleyden, Die liefde groot, brocht ons de noot, Maer troost wy noch verbeyden. 1.Petr.1,22Die liefde laet so vyerich zijn, Och mocht sy by u blyven Met rechten wesen, niet uyt schijn, Laetse in u beclyven, Colos.3,14.Sy is den bandt, in alle landt, By Mannen ende Wyven. BEMINDE het was my een vreucht Doe ick hebbe vernomen, Een reden die my noch wel heucht, Wt uwen mondt gecomen, Dat ghy gherust // noch haddet lust Matt.7,17.Te zijn als vruchtbaer Bomen. LIEVE kinders, so sprack den mondt, Dat ghy noch waert gheneghen, Te dienen
Godt van herten grondt, Met lust in al sijn wegen, Altijt te gaen // naer Schrifts vermaen, Ghelijck de vrome pleghen. SVSTERS als ick die reden goet, Also hebbe verstanden, Danckte ick Godt in mijn ghemoet, Met ghevoudenen handen, Dat ick noch vondt // tot dier stondt, Gods vrees en dese landen. Aenstichtelijck heel onbekent, Waert ghy ons naer het wesen, Maer eenich in den geeste jent, Als Kinder Gods gespresen, Drom gaeft ghy net // ons onbelet, Het recht teecken van desen. En ginckt ons kussen op dat pasRom.16,26 Ia met den Kus des Vreden, En der liefden die vyerich was, Met Christelijcken zeden, Het welcke wy // van herten bly, Met vreuchden oock soo deden. En hebben u de rechte handt So willich oock ghegeven, Wt liefde, die ons1.Petr.1,22 'therte brandt, Laet ons nu in dit levenHebr.12,14. Altijdt naar vre // en liefde me, Staen met vreesen en beven. MOLesteert malcanderen niet Om tijdelijcke dinghen, Al dat u de liefde ghebiedt, Wilt neerstelijck volbringhen, Vleesch ende bloet // en denckt geen goet Wilt dat altijdt bedwinghen. VAN herten die reden betracht, Die ghy hoordet verclaren, Van ons wel in de selve nacht, Doe wy vergadert waren, Op dat ghy voort // door d'enghe poortMatt.7,14 Meucht in den Hemel varen.Iac.5,10. Laet ons malcanderen int ghebet Tot Godt altijdt ghedincken, Dat hy ons gheve met opset, Het vleesch en bloet te krincken,
Stercken ons meest, dat synen Gheest Op ons mach vyerich sincken. Mat.10,16CLOeCK zijt altijdt als een serpent, Dat moet ick u noch raden, Des vyandts list en neemt geen ent, Daerom wilt doch versmaden, 'sWerelts jolijt // in desen tijt, Wandelt in 'sHeeren paden. GESONDEN WT DER LIEFDEN aert, Is dit Liedeken cleyne, O Liefste, blijft doch onbeswaert, By Gods gemeente reyne, Adieu, adieu, tot op een nieu, Naer Godes wil alleyne.
Cookies on Poetry Cove